Atx teatroa "Kaskarot"

Aner gizarte distopiko batean bizi da, nun dantzatzea debekatua den. Anerri izigarri gustatzen zaio dantza egitea eta horrek arazo larriak sortzen dizkio. Kaskarot Anerren «alter egoa» da. Bere jenio eta zentzuaren bidez, Anerri erakutsiko dio bere egoera nola aldatu eta arauen aitzinean bere adierazpen askatasuna lehenesten. Agian, antzezlan xelebre eta gozagarri honek gaur egungo tragediarik handiena aipatzen du : nola etengabe ibiltzen giren gure buruak definitzen, besteen pare jartzeko momentuan. Eta nola gure esentzia, irudimena, berezkotasuna, errebeldia ahanzten ditugun… beti ere, mundu leun honen alde.

• Egilea: Gartxot Unsain Letona
• Taula zuzendaritza: Iñaki Ziarrusta
• Antzezleak: Maryse Urruty, Natxo Montero, Jon Koldo Vázquez, Gartxot Unsain Letona
• Musika: Gartxot Unsain Letona
• 50’
• Denentzat
• 8 urtetik goiti