Juan Mari Beltran hirukotea - Euskal Herriko musika eta soinu-tresnak

Emanaldi honetan, euskal herri musikaren kantu, doinu, dantza eta gure soinu-tresnen hotsen bitartez euskal herri musikaren zenbait alderdi erakustea dugu helburu. Kontzertuan zehar “Euskal Herri Musika”ren barneko alderdi batzuetara hurbilduko gara eta Euskal Herriko zenbait eskualdetako ospakizun publiko nahiz familiarretan erabiliak izan diren soinu-tresnak eta musikak entzun ahal izango dira.