Txaranga - Ipar Euskal Herriko musikak eta kantuak

Sorkuntzaren eta tradizioaren artean, kontzertu honek Ipar Euskal Herriko musika ondarean murgilaraziko gaitu. Iparraldeko Orkestrak bere txaranga sortu du lehen aldiz Philippe de Ezcurra akordeoilariaren gidaritzapean, eta Fandango, Banako, Salto eta beste interpretatuko ditu. Kantuaren ospatzeko eta goraipatzeko, Amaia Riouspeyrous kantaria gomitatuko du.