Paxkal Irigoyen

1988an jaiotako Ainiza-Monjolostarra (Nafarroa Beherea) umetatik ari da musikan. Hainbat taldetan aritzeaz gain, Paxkal Irigoyen proiektuarekin, bakar-bakarrik zein orkestra batekin aritzen da. Deskribatzeko zaila da egiten duen musika, iluna eta hipnotikoa batzuetan, alai edo argitsuagoa bestetan. Tresna ugari erabiltzen ditu (ahotsa, kitarra, saxoa, bibolina, pianoa, sintetizadoreak...), entzulea geruza ezberdinetan harrapatuz.