"Europa bat-batean" Uztaritzen

Mintzola Ahozko Lantegiaren eta Europako Kultur Hiriburuaren eskutik, Europa bat-batean Kantu Inprobisatuaren Nazioarteko Topaketa ospatuko da apirilean Euskal Herrian barna eta, besteak beste, Uztaritzen hartuko du lur apirilaren 22an.

Euskal Kultur Erakundearekin batera antolatu da emanaldi hau. Sei inprobisatzaile igoko dira oholtzara, Kurdistan, Sardinia eta Euskal Herriko bina inprobisatzaile, musikariz lagunduta. Bat-bateko itzulpenaren bitartez jarraitu ahal izango dira. Euskal Herriko bi inprobisatzaileak Miren Artetxe eta Maddi Sarasua izanen dira.